Ganesha Mahimna Stotram in English

Ganesha Mahimna Stotram in English

Ganesha Mahimna Stotram - English Lyrics (Text)
Ganesha Mahimna Stotram - English Script

anirvācyaṃ rūpaṃ stavana nikaro yatra gaḷitaḥ tathā vakṣye stotraṃ prathama puruṣasyātra mahataḥ |
yato jātaṃ viśvasthitimapi sadā yatra vilayaḥ sakīdṛggīrvāṇaḥ sunigama nutaḥ śrīgaṇapatiḥ || 1 ||

gakāro herambaḥ saguṇa iti puṃ nirguṇamayo dvidhāpyekojātaḥ prakṛti puruṣo brahma hi gaṇaḥ |
sa ceśaścotpatti sthiti laya karoyaṃ pramathako yatobhūtaṃ bhavyaṃ bhavati patirīśo gaṇapatiḥ || 2 ||

gakāraḥ kaṇṭhordhvaṃ gajamukhasamo martyasadṛśo ṇakāraḥ kaṇṭhādho jaṭhara sadṛśākāra iti ca |
adhobhāvaḥ kaṭyāṃ caraṇa iti hīśosya ca tamaḥ vibhātītthaṃ nāma tribhuvana samaṃ bhū rbhuva ssuvaḥ || 3 ||

gaṇādhyakṣo jyeṣṭhaḥ kapila aparo maṅgaḷanidhiḥ dayāḷurherambo varada iti cintāmaṇi rajaḥ |
varānīśo ḍhuṇḍhirgajavadana nāmā śivasuto mayūreśo gaurītanaya iti nāmāni paṭhati || 4 ||

maheśoyaṃ viṣṇuḥ sa kavi ravirinduḥ kamalajaḥ kṣiti stoyaṃ vahniḥ śvasana iti khaṃ tvadrirudadhiḥ |
kujastāraḥ śukro pururuḍu budhogucca dhanado yamaḥ pāśī kāvyaḥ śanirakhila rūpo gaṇapatiḥ ||5 ||

mukhaṃ vahniḥ pādau harirasi vidhāta prajananaṃ ravirnetre candro hṛdaya mapi kāmosya madana |
karau śukraḥ kaṭyāmavanirudaraṃ bhāti daśanaṃ gaṇeśasyāsan vai kratumaya vapu ścaiva sakalam || 6 ||

site bhādre māse pratiśaradi madhyāhna samaye mṛdo mūrtiṃ kṛtvā gaṇapatitithau ḍhuṇḍhi sadṛśīm |
samarcatyutsāhaḥ prabhavati mahān sarvasadane vilokyānandastāṃ prabhavati nṛṇāṃ vismaya iti ||7 ||

gaṇeśadevasya māhātmyametadyaḥ śrāvayedvāpi paṭhecca tasya |
kleśā layaṃ yānti labhecca śīghraṃ śrīputtra vidyārthi gṛhaṃ ca muktim || 8 ||

|| iti śrī gaṇeśa mahimna stotram ||